想听多啲爽报读新闻，请前往

所以话，「龙猪」唐英年嘅感情缺失丶陈冠希同16岁中学女生Cammi嘅情欲照丶陈浩民嘅酒後「轮淫」，通通都只系香港呢个色欲都市嘅冰山一角丶九牛一毛。呢班桃色丑闻嘅主角，只不过反映咗香港人性爱开放嘅现实，有错，都系社会嘅错。
点解咁讲？安全套生产商杜蕾斯久唔久就做一次嘅「全球优质性生活调查报告」又有新嘢发表嘞。今次嘅报告话，港男港女都系不忠嘅族群。先讲港男，有29%承认对伴侣不忠，比起中国（22%）丶印尼（13%）丶美国（10%）丶同英国（8%）都普遍。调查讲到港男好倜傥好滥交咁，报告话受访嘅港男平均每人拥有 16个性伴侣，相比中国同印尼嘅男性只有五个，抛甩九条弥敦道。